ज्यान गुमाएका प्रहरीका असई र जवानको परिवारलाई २,२ लाख दिने सुदूर पश्चिम सरकारको निर्णय गरेको छ ।
सुदूरपश्चिम प्रदेश सरकारले अस्थायी प्रहरी पोष्ट जुगेडाका इन्चार्ज ९ असई गोविन्द बिक र प्रहरी जवान रामबहादुर साउदको परिवारलाई २÷२ लाख दिने निर्णय गरेको हो ।
आज बिहान मुख्यमन्त्री तथा मन्त्रीपरिषद् कार्यालयमा बसेको बैठकले तत्काल परिवारका सदस्यहरुलाई १÷१ लाख रुपैयाँ उपलब्ध गराउने र बाँकी १ लाख उनीहरुको सन्तानको लागि मुद्दती खातामा राखिदिने निर्णय गरिएको आर्थिक मामिला तथा योजना मन्त्री झपट बोहराले जानकारी दिए ।
घटना भए लगत्तै मुख्यमन्त्री त्रिलोचन भट्टले उच्च प्रहरी अधिकारीहरुलाई कार्यालयमै बोलाएर तत्काल घटनाको सत्य तथ्य सार्वजनिक गर्न निर्देशन दिनुभएको थियो । सोही प्रहरीले हत्या अभियोगमा ८ जनालाई पक्राउ गरेको छ । ८ जना लेनै हत्या गरेको स्वीकार गरेको प्रहरीको भनाइ छ ।
शनिबार साँझ डिउटिमा गएका बेला असई गोविन्द बिक र प्रहरी जवान रामबहादुर साउद बेपत्ता भएका थिए । असईको शव आइतबार र प्रहरी जवानको शव मंगलबार मोहना नदिमा फेला परेको थियो ।
प्रकाशित मिति: बिहिवार, कार्तिक ६, २०७७, ०१:३८:००
