डोटी । सुदूरपश्चिम प्रदेशको पहाडी जिल्ला डोटी बझाङ र बैतडीमा रहेका हवाई मैदानहरुको निरिक्षण गर्न आएका संस्कृती पर्यटन तथा नागरिक उड्यन मन्त्री योगेश कुमार भट्टराईले डोटी जिल्लाका रहेको विमानस्थलमा हप्तामा दुइ-तिन वटा उडान गर्न सकिने बताएका छन ।
तिनै जिल्लाका हवाई मैदानको स्तरउन्नती भएर कालोपत्रे भई सकेपछि परिक्षण उडान लिएर शनिबार डोटी आएका मन्त्री भट्टराईले डोटी बासीलाई बिश्वास दिलाउदै हप्तामा काठकाण्डौ र धनगढीबाट दुई-तिन वटा उडानका लागी छिटै तालीका सार्वजनिक गर्ने प्रतिवद्धता गरेका हुन ।
उनले दिपायल विमान स्तलको स्तर उन्नतीका लागि पहल गर्ने प्रतिनिधि सभाका सदस्य प्रेम बहादु आले मगरलाई धन्यवाद दिदै रन वे विस्तार गर्नका लागि जग्गा प्राप्तीको प्रक्रियालाई तत्काल अगाडी बढाउने र यसको विकास र विस्तारका लागि तिन बटै सरकारले सहकार्यमा गर्नु पर्ने समेत बताएका छन ।
विमानस्थलको स्तर उन्नती भई सकेपछि अब सरकारले डोटीका लागी उडान भर्न आबश्यक रहेको प्रतिनिधी सभा सदस्य प्रेम आले मगर बताए । उनले विमानस्थल सुचारु भए पछि खप्तड संगै डोटी जिल्लाका अन्य प्रर्यटन गन्तव्यहरुको अवलोकनका लागि स्वदेशी तथा विदेशी प्रर्यटकहरु डोटी आउन सक्ने समेत बताए ।
परिक्षण उडानको क्रममा मन्त्री भट्टराई, मन्त्रालयका सचिब र नागरिक उड्यन प्राधिकरणका प्रमुख, डोटी जिल्लाबाट निर्वाचित संसद प्रेम बहादुर आले मगर,अनेरास्वीयुका संयोजक ऐन महर लगायतको टोली जिल्ला आएको थियो ।
मन्त्री भटाराईको टिमलाई जिल्ला स्थीत नेकपाका नेता कार्यकता तथा सरकारी निकायका प्रमुखहरुले स्वागत गरेका थिए ।
प्रकाशित मिति: शनिवार, आश्विन १७, २०७७, ०३:४६:००
