नयाँ प्रजातिको कोरोना भेटिएको बेलायतमा स्थिति भयावह बन्दै

स्वास्थय

Home
स्वास्थय
नयाँ प्रजातिको कोरोना भेटिएको बेलायतमा स्थिति भयावह बन्दै

नयाँ प्रजातिको कोरोना भेटिएको बेलायतमा स्थिति भयावह बन्दै संक्रमणको रफ्तार बढेपछि बेलायतमा दुई साताका लागि विद्यालय बन्द गर्ने निर्णय समेत घोषणा गरिएको छ ।

सेती संचार 2077/09/18

नयाँ प्रजातिको कोरोना भाइरस फेला परेको बेलायतमा संक्रमितको संख्या एक्कासी बढेर समस्या सिर्जना हुन थालेको छ । एक टेलिभिजनसँग गरेको कुराकानीमा ब्रिटिस स्वास्थ्य विभागका एक अधिकारीले देशको स्वास्थ्य क्षेत्रमा संकटको स्थिति पैदा भएको बताएका छन् । ती अधिकारीका अनुसार देशका सबै क्षेत्रमा संक्रमितको संख्या उच्च गतिमा बढिरहेको छ । ती मध्ये थुप्रैमा नयाँ प्रजातिको भाइरस देखा परेको छ । उपचारमा संलग्न स्वास्थ्यकर्मी तथा चिकित्सकहरु समस्यामा पर्न थालेका छन् ।

अस्पतालहरुमा कोभिड बिरामीका लागि बेडको अभाव हुने थालेको छ । उनले जनतालाई सरकार तथा स्वास्थ्य विभागले तोकेका मापदण्ड कडाइका साथ पालना गर्न आह्वान गरेका छन् । आम जनताले यसो नगरेको खण्डमा स्थिति नियन्त्रणमा लिन कठिन हुने उनले बताएका छन् । आफूहरु जनताको ज्यान बचाउन निकै कठिनाइका साथ लागेकाले त्यसमा साथ दिन ती अधिकारीले सबैलाई अपिल गरेका छन् । अहिलेको स्थिति नियन्त्रण बाहिर गएको खण्डमा अगामी महिना निकै कठिन हुने उनको भनाइ छ । संक्रमणको रफ्तार बढेपछि बेलायतमा दुई साताका लागि विद्यालय बन्द गर्ने निर्णय समेत घोषणा गरिएको छ ।

प्रकाशित मिति: शनिबार, पुस १८, २०७७ २०:४९

प्रतिक्रिया दिनुहोस्